Wokha 2 July 2026: Deputy commissioner Wokha pra circular issued kuri shey guidelines outline kuri kina reporting aro notifying karne livestock deaths laka relief claim kuribo leh State Disaster Response Fund (SDRF) under te. Directive toh communication follow kureh Home department, Nagaland State Disaster Management Authority pra pa. Guidelines hisap te:
1.Livestock malik khan janwar laka death report kuribo lageh disaster pra kura 24 ghanta bitor te sospe veterinary centre te nahoi leh administration authorities further action karne.
2.Report pai kina, district veterinary officer nahoi leh field staff toh spot verification kuribo lageh aro situation toh assess kuribo leh tin din bitor te incident hoi kina.
3.Geo-tagged photographs pura carcass laka, malik pra, submit kuribo lageh concerned authorities ke.
4.Ekta postmortem examination kuribo lageh qualified veterinarian pra kicha pareh.
5.Ekta death certificate issued kuribo lageh district veterinary officer pra spot verification hoi kina aro confirmation death laka disaster pra hwa.
6.Chief veterinary officer khan ke lageh proper record maintain kuribo leh disaster documents laka, submit kuribo leh District Disaster Management Authority (DDMA) ke aro copy endorse kuribo leh directore ke record nimite.
Circular toh strict adherence emphasise kureh etu procedure ke timely relief measure ensure kuribo leh aro accurate documentation laka livestock losses laka district te.
DC Wokha guidelines issued kuri shey livestock death report kuribo leh SDRF under te
