DANTEWADA/NEW DELHI, OCTOBER 30 : 2 jun Policemen aro 1 jun Doordarshan (DD) News Cameraman ke Wednesday din te muraidese. Etubi Dantewada District, Chhattisgarh laga te Maoist bithormanu pora hamla kura time te. Etu oporte 2 jun Police bi jukum huise koi kena, khobor hisab te pora janaise.
Etu Maoist Bithormanu thaka jaka te Election manabole hua karne 3 jun Doordarshan Team kan eke pora Police logot melekena ki-ki manabole aro sabole jai kena thakise. Etu time te jungle jaka, Aranpur bosti, Dantewada District laga te Maoist bithormanu pora hamla kurise koi kena, P Sunder Raj, DIG, Naxal Operation pora janaise.
Etu mura kan toh Sub Inspector Rudra Pratap, Assistan Constable Mangalu aro DD News Cameraman Achyutanand Sahu koi kena Delhi pora aha laga kan ase koi kena, Sundarraj P, Senio Police Officer, Anti-Naxal Operations, Chhattigarh laga pora janaise. Aro tusera DD News Cameraman 2 jun kobi Journalist bi melekena thaka toh Delhi pora ase. Aro tai 2 jun toh pachibole bari kena zinda te bhal te hi ase koise.
Add Comment