Kohima, November 13 – District Disaster Management Authority (DDMA), Kohima laga quarterly meeting 13th November 2025 te Deputy Commissioner’s Conference Hall, Kohima te hold kora jaishe.
Meeting te main agenda discuss kora jaishe—post-monsoon disaster laga impact review, District Disaster Management Plan (DDMP) update, SDRF relief application verify, aru India Disaster Resource Network (IDRN) database update kori bole.
Meeting chair kori thaka Deputy Commissioner, Kohima para sob stakeholders ke thanks dishe taikhan laga hard work aru cooperation during the heavy monsoon events juntu district laga different area affect kori thakishe. Tai mention korishe landslides aru damage along Jotsoma Bypass aru Zhadima–Niuland Road, aru Kezoma pipeline disruption bhi, juntu restore kora jaishe with help of concerned departments aru Nagaland State Disaster Management Authority (NSDMA).
Deliberation time te, members khan taikhan laga field experience aru challenges share korishe. Kowa jaishe ki maintenance aru repair work sometimes problem face kore karon department laga jurisdiction overlap hoi jaishe. Traffic Police personnel bhi highlight korishe need for better logistics—good quality raincoat, gumboot aru vanity van, jate prolonged duty time te rest aru cooking koribo paribole. Agriculture Department para crop damage issue uthai dishe juntu heavy rain aru wild animal para hoi thakishe.
Deputy Commissioner advise korishe sob department ke submit koribole taikhan laga requirement aru report in writing for proper verification, aru emphasize korishe genuine assessment of relief claims before submission.
Add Comment