Singapore, 13 December: NBFC sector deh chamela para monchinda hoi thaga majode etu sal December quarter deh India laga economy toh 4.3 percent deh dangor hobole biswaas kori ase. Etu khobor toh Nomura para janaideya laga ase.
Japanese financial services major para be 2020 laga first quarter deh GDP growth toh 4.7 percent thakibole biswaas kori ase.
2019 deh GDP growth toh 4.9 percent thakibole biswaas korise. Etu toh agae sal 5.3 percent estimate kora para ase aro 2020 deh toh 5.5 percent thakibole estimate korise.. Etu agae deh project kora toh 6.3 percent thakise. 2021 deh India laga economic growth 6.5 percent thakibole sai ase.
Financial year basis deh, ami khan FY20 deh GDP toh 4.7 percent thakibole biswaas ase aro GY21 deh toh 5.7 percent. Etu khobor toh Singapore deh Ms Verma para media ke janideya laga ase.
Reserve Bank para 2020 laga second quarter deh key policy rates toh namabo nesana ase. Hoilebe growth laga barden othaideya para fiscal policies deh shift hobo nesana ase. Tai para etu toh Nomura report “Asia 2020 Outlook” deh lekhise.
Khobor hisaab deh central bank toh February 2020 deh be pause mode deh thakibole ase. “Nomura report “Asia 2020 Outlook”. RBI para December meet deh repo rate toh putli nakorikena 5.1 percent deh rakhise.
Add Comment