DeChambeau jete she LIV Singapore, play-off drama te

March 15, 2026: Bryson DeChambeau, tai laga fourth LIV Golf title jete she, tai Canada laga wild card Richard T Lee ke harai de she, play-off te, match toh Singapore laga Sentosa Golf Club te khele she. America laga DeChambeau toh trophy toh secure she first extra hole te, pani pai le be tee te, dua ta player be 14 under par te khotom kure she. Lee toh tai laga six holes te khale charta gosha bole pare she, clubhouse laga target bana bole. First play-off hole te, DeChabeau para ball toh mare kena pani te hale she, 18^th te khelea homoi, etu kurea toh Lee ke advantage de deshe. Hoile be Lee laga conservative approach toh backfire kure she, DeChambeau para par five bachai dea piche. Etu piche te Lee tai laga short par putt toh miss kure she, aro etu piche te Dechambeau aram para goshai kena jete bole pare she. Lee laga runner up finish toh sob se beshe ase koi she LIV event te, aro tai $2.5 million jete she, $20 million individual fund te para. DeChabeau toh $4 million jete she, aro England laga Lee Westwood third thake she, tai $1.5 million jete she.