Trnava (Slovakia) 24 September: Sunday din junior world wrestling championship laga 86kg freestyle final de Deepak Punia toh hari kena silver medal he lobule parise. Tai Turkey’s Arif Ozen logode 1-2 pora hara thakise. Etu agae de, etu sal Deepak pora junior Asian Championships gold jeta thakise. India pora championship toh six medals loi kena kothom korise. Etu toh de tin-ta silver aro tin-ta bronze medals ase. Greco Roman pora tinta medals lowah thakise aro women pora tui-ta bronze jetise. Sachin Rathi logode besi biswas kori thakise. Hoilebe tai 74kg bronze medal match toh Canada’s Devid Betanov logode hara thakise. 92 kg de, Sanjeet toh medal round de pongjibole napara thakise. Tai Erhan Yaylaci logode repechage round 6-7 pora hara thakise. Greco Roman de, Vijay (60kg) aro Sajan (77kg) pora silver medal loise aro Vijay (55kg) pora bronze lowah thakise. women’s events de, Mansi (57kg) aro Anshu Malik (59) pora ekta-ekta bronze jetise. Deepak’s pora silver lowah toh freestyle wrestlers de ekala silver medal ase.
November 1, 2024
World's First and Only Nagamese Newspaper
Add Comment