Friday, October 10 – India Health and Family Welfare Ministry para announce kuri ase ki Bollywood actor Deepika Padukone ke India laga first Mental Health Ambassador banai dishe. Etu step ase government laga major move mental health awareness spread kuri bole aru stigma komai dibole.
Deepika, jun 2015 te nijor depression laga story openly share kuri thakishe, tai bhi Live Love Laugh Foundation (LLL) establish kuri thakishe — ekta organization juntu mental health awareness aru support khan provide kure.
India laga Mental Health Ambassador, Deepika etiya Tele MANAS nishena government helpline ke support aru promote kuribo, juntu mental health help dibo. Tai awareness campaign design kuribo, manu khan ke encourage kuribo jate mental health bisare openly kotha kuribo pare, aru service khan ke rural area te bhi punchai dibole.
Deepika nijor response te koi thakishe ki tai “honoured” ase etu responsibility lobole, aru emphasize kuri thakishe ki scientific method aru India laga traditional wellness — jaise yoga aru meditation — combine kuri mental health ke promote kuribo lage.
Union Health Minister J.P. Nadda bhi Deepika ke congratulate kuri koi thakishe ki tai laga appointment youth aru women majote mental well-being bisare kotha normal banai dibo.
Etu step ke India te mental health bisare awareness aru understanding barai dibi bole ekta positive aru progressive move hisap te dekha jai ase.
Add Comment