October 21, 2024, 04:01 PM : Itu nation logotey mili kena, DEF Wokha para itu Police Commemoration Day observe kurishey, SP Office, Wokha tey, 21st October 2024 tey.
Wokha laga Police laga Superintendent – Aotula T Imchen, IPS para itu commemoration message deliver kuri kena koishey, itu din toh hoiley ekta significant din asey, kiley koiley itu toh hoiley ekta martyr din hisap observe kuria laga asey, sob police forces khan tey aru paramilitary forces khan tey India pura tey.
Tai para aru koishey ki, itu toh hoiley ekta ekla din asey, martyrs khan ke yaad kuriboley kun khan toh hoiley tai khan laga live khan sacrifice kurishey, duty laga line tey, aru itu country ke defend kuri kuri kena.
Imchen para police personnel khan aru officer khan ke appeal kurishey, discipline, courageous aru dedicated thakiboley, duty laga line tey, agetey challenges khan thaka toh perform kuriboley. Tai para aru bhi tai khan ke encourage kurishey, itu martyrs laga sacrifices khan para inspire hoboley karney koishey aru agey bari jaboley koishey, tai khan laga raasta tey, tai khan laga duty, will, devotion aru responsibility laga sense bukhi kena, itu society ke serve kuria homoi tey.
Add Comment