Defamation(misa-misi kotha koikina manu khan laga naam botnam kora) tu ekta janibujikina kora kaam asey kuntu para ekjun manu nohoilebi group ke taikhan zinda thakilebi aro murikina thakilebi kotha kuwa aro likha nohoilebi kunba laga khilaf te newspaper khan te information dhala laga tarika para jokhom pungchai. Etu damage tu galat information nohoilebi galat iljam lagaikina ekjun manu laga izzat te jokhom pungchaikina korey. Defamation tu duita kisim laga asey. Ekta tu permanent asey kuntu toh likha, photo dhala aro newspaper nohoile online te dhalikina korey. Aro dusra tu muk para kotha olaikina korey.
Defamation(manu khan laga naam botnam kora) laga mamla tu titya olai jitya misa-misi kotha aro biya maksat para manu khan laga izzat biya kora tu prove hoi. Hoilebi, defamation tu titya bi olai jitya kunba para dhamali kurikina nohoilebi eku biya maksat nathakikina golti para dusra laga naam biya korey. Hoilebi, etu toh nijor-nijor laga bhabna kora aro sa hisap te depend korey. Aro etu ke kanoon para sabut aro situation laga context hisap te prove kuribo lagey.
Defamation tu kiman serious asey etu hisap te case tu civil(kuntu te manu ke chot pungcha nimitey poisa terbaole lagiya) aro criminal(jail jabole aro fine terabole lagiya) hobo parey. Aro criminal defamation nimitey case ke prove kuribole nimitey kara evidence lagey. Judi kara sabut nathakisey koiley, golti kora manu tu sajai napabo.
Kanoon laga system para Indian Constitution laga Article 19(1)(a) under te ekjun manu laga right to reputation(nijor laga izzat bachaikina rakhibole laga haak) aro kotha kobole aro nijor laga bhabna express kuribole laga azadi majotey ekta balance banabole aim korey. Hoilebi, Article 19(2) para nijor laga bhabna express kora laga azadi aro defamation(manu laga khilaf te naam biya kuridiya laga kotha kuwa) te bi badha aney. Kunba khan para enaka behes kuriasey ki criminal defamation tu manu khan laga disagreement ke chup kuridibole nimitey cholai, khas kurikina journalist aro samaj te awas utha manu laga khilaf te. Jitya power te thaka aro dangor company khan para defamation laga case file korey, etu para khali manu khan ke taikhan laga awas uthabole discourage kora hey nohoikina dusra laga bhabna ke oppose kora manu khan ke bi bhoi aro pressure te dhalidiye.
Bisi Law pora aro likha manu aro samaj te awas utha manu khan para defamation ke criminal case nabanabole nimitey awas uthaisey. Taikhan para enaka behes kurisey ki etu mamla te civil upai(matlab kunlaga khilaf te naam biya kuridiya laga kotha koisey taikey poisa laga compensation diya) tu kafi asey. UK aro USA nisna desh khan para defamation ke decriminalize kuridisey(matlab criminal case namana hoisey). Aro etu para India laga defamation laga position te debate(behes) bi olaidisey.
Hoi, defamation laga kanoon para manu khan eku bhoi nakhaikina kotha kuwa aro nijor laga bhabna express kora te badha anibo parey, hoilebi etu para ekjun manu laga izzat aro naam ke bi misa-misi kotha para botnam hobole para bachai. Balance kuribole nimitey, defamation laga law tu manu khan ke nijor laga bhabna express kora nimitey sajai dibole nocholabo lagey.
Add Comment