Tamil Nadu, 10 April 2025: Armed forces khan tu eke loko operate kurivolae aro future de ja ga beshi de cyber,space aro information warfare de operations lo bo la ge,” Rasha Mantri Shri Rajnath Singh para koise armed forces officers aro friendly countries khan ke address kuri kena convocation ceremony juntu 80th staff course of defense services staff college(DSSC)Wellington,Tamil Nadu,April 10,2025 te.
Defence Minister para koise ke aji laga duniya te geopolitics tu din da key metrics para refine kure koise, national securuty, technological tsunami aro accelerating innovation. Minister para officers khan ke encourge kurise ke etu sob metrics de bithor aro bhal wala puri kena jolavolae, dai koise ke prime minister Shri Narendra Modi laga government para bathor ekta vi olta na gura nai military laga forces de advancement anibolae.
Minister para highlight kurise artifical intelligence upor de ke advancement karne larai de advantage beshi ase mathi, hawa aro pani sob de. Dai koise Ukraine aro Russia laga laria de advance technology drones khan para operations khan beshi kurise koiina. Etu neshina hawa aro pani under de bi technology para dangor kam kure.
Raksha Mantri para koise aji laga duniya de hybrid warefare taki ase.ek jun para ek jun ke guli namari kena cyber attacks,campaigns aro economic warfare para khele ase. Dai add kurise ke India bi border areas de terrorism laga threats aro proxy war khan huni thake.
Shri Rajnath Singh para west Asia aro geopolitical tensions indo pacific upor de bi khota kurise ke non traditional security natural disaster aro climate change upor de bi. Dai para koise ke Modi government laga aim 2047 tak tu dui da pillars under de SURAKSHIT BHARAT aro SASHAKT BHARAT de ase koise.
Raksha Mantri para pitch kurise development aro modernisation anibolae army de. “laria de lessons heka tu moi khan ke help kure resilent hobolae aro future-ready defense aro technology khan tu ekta option nahoi kena lagia laga stragetic saman ase.dai add kurise
‘ MAHASAGAR’(Mutual and Holistic Advancement for Security and Growth Across Regions)Global south upor de bi Raksha Matri para state kurise bhal future aro prosperity tu connectivity bhal takibolae la ge ekta state para ekta loko,tu hi nation laga goal tu achieve kuribolae parivo.
Future challenges opor Shri Rajnath Singh para officers khan ke koise –Awarness takibolae ,Ability hekevolae future leadership karone,Agility adapt kuribolae,aro change anibolae ekta army ambassador hobolae la ge koise.
Raksha Mntri para suru de express kurise india para Myanmar aro Thailand laga recent earthquake incident upor. ‘India aro Myanmar tu sadi neshina takise aro mutud kuri kena ahise duk time de aro aha din de bi kuri takibo,” dai add kurise.
Ceremony suru nahua time de Shri Rajnath Singh para wreath lagaise Madras Regiment War Memorial de. Army veterans khan ke acknowledge kurise dai khan laga contributions nation karone. Chief of Defence Staff General Anil Chuahan bi takise ceremony de.
DSSC tu 1948 te established hoise juntu ekta tri-service training institution ase. DSSC para professional education khan imart kure middle-level officers khan Indian Armed Force aro friendly countries karone. DSSC laga aim tu young officers khan laga competencies enhance kuribolae future responsibilities karone. Ahia lalga saal de DSSC para 19,000 opor Indian officers aro 2,000 international officers khan graduate hoise juntu dae beshi officers khan worldwide military heads hoise.
Add Comment