Defence Minister hatijabole lagi

NEW DELHI, SEPTEMBER 20 : Congress President Rahul Gandhi pora aji Defence Minister Nirmala Sitharaman ke Hindustan Aeronautics Limited (HAL) pora Rafale Aircraft banabole koa kele mesa koise koi kena janaise. Aro etu nemite tai Defence Minister kam pora hatijabi koi kena janaide thakise.Etu Congress Chief pora Twitter te kotha lekhe kena etu Defence Minister Nirmala Sitharaman ke hamla kurise. Kele tai Defence Minister nemite kam julabole kura toh ami kan Desh pura ulta kuride ase koi kena. Aro tai nahua kam kuri thaka nemite bi purana Chief, State-run Hindustan Aeronautics Limited (HAL) porabi sob janaide thakise koi kena. Etu Defence Minister pora Rafale chamala nemite pachaidebole kura sob mesa laga kotha ase. Kele HAL laga purana Chief TS Raju pora koa hisabte bi etu Defence Minister pora etu HAL pora Rafale jet banabole bara laga ase koa ke nahui aro etu toh mesa ase koi kena janaise. Etu hisabte tai ekdam nahua kotha mesa pora pachaidebole kuri ase. Etu karne tai (Defence Minister) neju kam pora hatijabole lagi koi kena, etu Congress Chief pora janaide thakise.