Agencies, 17 July: Friday te Defence Minister Rajnath Singh koise, China logode ongoing talks toh jai ase Ladakh te border standoff thek koribole nemide. Hoilebe Rajnath Singh para etu toh keman tak thek hobo guarantee debo napari koise kelay koile tai duniya laga kondu power para be desh laga mathi te ekta inch be chobole naparibo koikena gara message potha nemide.
Lukung in eastern Ladakh te group of Army aro ITBP personnel logode kotha kora amai Singh koise, India toh komchor desh nahoi aro desh laga pride te dekthari deya kon ke hoilebe thek jawab debo.
Singh para remarks deya samai te Chief of Defence Staff Gen Bipin Rawat, Army Chief Gen MM Naravane, Northern Army Commander Lt Gen Yogesh Kumar Joshi, Commander of the 14 Corps Lt Gen Harinder Singh aro tusara besi senior Army officials thakise.
Alak te Ministry of External Affairs (MEA) koise, Line of Actual Control (LAC) te India laga position toh putli kora nai aro status quo putli koribole kosish kora te eki par namanibo. Aro koise, disengagement process toh kothom hoise. Disengagement process toh tui khonda border tension komti koribo nemide National Security Advisor Ajit Doval aro Chinese Foreign Minister Wang Yi majode kotha kora bechide suru howa thakise. Doval aro Wang toh boundary talk nemide designated special representatives ase.
Add Comment