Defender Subhashish Bose pora Indian football team lead koribo

Agencies, 3 September: National football team coach Stephen Constantine pora janaideya hesab de, young defender Subhasish Bose pora SAFF Suzuki Cup 2018 laga opening match de lead koribo koise. Etu time de India toh Sri Lanka logode khelibole ase. Coach pora kowah toh, etu par laga camps de Subhasish toh ektum phal thakise koise. First olob din majode tai ektum kum koribo lagibo aro tai ektum gara pora korai ahha thakise koise. Tai ke saijai kena coach toh ektum kushi-paise koise aro etu khelari karni special time hobole ase koise. Defending champions toh favourites hoi kena suru hobo na-nai koi-kena huta time de 55-sal Constantine pora jawab deya toh, tai youngster khan logode international experience debo karni hotai chance sai thakise aro etu karni tai khan U-23 de ahha ase kowah thakise.  Etu coach pora kowah toh, hoi ami khan tournament jetibole ahha ase aro ami khan jeta be jetise. Ami jetibole chance toh olob ase hoilebe ami pora favourites hoi kena suru hobole ase na-kobo kowah thakise. Group B de India toh Sri Lanka aro one-time champions Maldives (2008) ase aro hosts Bangladesh, Bhutan, Nepal aro Pakistan toh Group A de ase. India khan Bangladesh laga Capital City jaga de 17-day preparatory camp karni ppongji kena ase. Tati tai khan three friendly fixtures against APIA Leichhardt Tigers FC, Sydney FC aro Rydalmere Lions FC logode kheli kena ase. Sri Lanka logode khela bechide India toh next Maldives logode September 9 de khelibole ase.