Delhi: 24 gonda te 448 manuh morishe

New Delhi: Delhi te tin(3) din wala jai ase ke 24 gonda majot te coronavirus bemari para 400 oper manuh mora record hoishe aro 18,043 cases thurishe. April 15 darik para loikena positive rate toh 29.56 per cent hoishe, koikena Monday din Delhi health department laga bulletin para janaishe. April 15 darik para loikena 18,043 notun cases toh sobse komti ase, etu darik te 16,699 manuh ke bemari thurishe. Sunday din te 61,045 teste loishe koishe. Bulletin hesab te, Sunday din te kali 1,611 vaccine doses thishe, etu itya dak te sobse komti lowa ase. Etu pithor te 1,260 manuh ke first dose thikena ase. Positive rate toh tui(2) wala te 30 per cent thakishe. Sunday din, Delhi te positivity rate toh 28.33 per cent thakishe, Saturday te 31.6 per cent, Friday te 32.7 per cent, Thursday te 32.8 per cent, Wednesday te 31.8 per cent, Tuesday te 32.7 per cent aro Monday din te 35 per cent thakishe. April 22 darik te positivity rate toh 36.2 per cent, etu sobse besi rate thikishe. Sunday din Delhi te 407 manuh mora khobor paishe, Saturday te 412, etu sobse besi mora khobor ase, Friday te 375, Thursday te 395, Wednesday te 368, Tuesday te 381, Monday te 380, last Sunday te 350 aro Saturday last te 357 thakishe, koikena government laga data hesab te janaishe. Delhi te Sunday din 20,394 cases recorded hoishe, 25,219 Saturday te, 27,047 Friday, 24,235 Thursday, 25,986 Wednesday, 24,149 Tuesday, 20,201 Monday, 22,933 last Sunday, aro 24,103 last Saturday thakishe. Delhi te itya dak 12,12,989 cases recorded hoikena ase, etu oper te 11.05 lakh bhal hoishe. Bemar para manuh morikena thaka toh 17,414, ase koikena  bulletin para aro janaishe. Active cases toh 92,290 para 89,592 te lamishe. Etu samai, 20,293 bemar manuh bhal hoishe. Delhi laga pura hospitals te sob melaikena 21,477 Covid beds pithor te 1,335 kali ase. Sob melaikena 50,441 bemar manuh khan ghor para bhal hoishe, koikena bulletin para aro khobor janaishe.