NEW DELHI: Delhi te rukhi kena thaka Duronto Express train laga passengers ke chor khan para lootishe. Etu ghatna toh 3.30 am genika te hoishe Chor para passengers khan ke chaku dekhai kena lootishe. Etu ghatna toh Jammu-Delhi Duronto Express laga AC coaches te hoishe. Train toh capital para olop dur Badli te hoishe. Train toh Delhi laga main station te jabole signal rukhi thakishe.
Chor khan toh passengers laga poisa, bags, mobile phones aro gold chains lootishe.Railways tai khan laga portal te passenger laga complaint para alert hoishe. Achanak para 7 para 10 chor khan train laga coaches B3 aro B7 te ghusi jaishe. Tai khan logote dhar chaku khan thakishe.Passenger complaint te koishe etu ghatna toh 10 para 15 minutes tok hoishe etu pichete chor khan toh train para jump mari kena polai jaishe. Hoile bhi asorit kotha toh etu ghatna huwa samay te staff nohoile bhi security manu khan kun bhi osor te thaka nai.
Passengers khan train attendant aro ticket examiner (TT) khan ke bisari thakishe . Hoile bhi tai khan ke passengers para 20 minutes pichete he paishe. Etu samay tok te toh chor khan toh polai jaishe.
Northern Railways official koishe Railway Protection Force khan etu case laga khobor paishe aro etu chor khan opor te action lubole ase.
Add Comment