Delhi Govt: DTC bus stand te Oxygen cylinder rakishe

New Delhi: National capital Delhi te oxygen supply besi demand kora nemite Delhi government para Delhi Transport Corporation (DTC) stand te oxygen cylinders rakiboli ase koishe. Sob district te 11 DTC bus stand te life saving oxygen cylinders toh rakibo. 1 stand te 20 cylinders toh district magistrate para mani beche soruh koribo. State government laga health department para notification te koishe ke, demand kora hesab te oxygen cylinders toh aro besi othai-kena jabo. Sob DTC bus stand te oxygen cylinders toh Covid-19 bemar manuh khan ghor te isolation te boha logot thibo aro jodi etu jaga osor te emergency te jolabo. Government para district magistrates (DM) logot kali oxygen cylinders toh refilled koriboli janaishe. “capital te oxygen dukh thaka nemite Delhi government para Tuesday din te hospitals aro dosura healthcare institutions nemite 24X7 emergency helpline bonai thishe. Etu samai, tuita(2) oxygen plants- Sanjay Gandhi Memorial Hospital te aro dosura toh east Delhi Commonwealth Games Complex Covid care centre te bonai ase koishe. Delhi te 24 gonda majot te Covid-19 bemar para 338 manuh morishe aro 19,953 cases thurishe aro positivity rate toh 26.73 per cent te ase koikena Wednesday pujur Delhi health department laga health bulletin hesab te janaishe.