Delhi govt kan coaching centers keh regulate kuri bo karne bill introduce kuri bole plan ase

July 31, 2024: Delhi govt kan Capital deh coaching centres kan keh regulate kuri bo karne ekta bill keh introduce kuri bole ase. Etu tho, minimum infrastructure, teachers laka minimum qualifications, feeds nishi nah requirement kan introduce kuri nah kuri bole ase, education minister Atishi para Wednesday din deh announce kuri shae. Ekta coaching institute deh teentha students dubi nah mura piche deh, etu announcement tho ahi ase. Enaka hua tho protest kan shuru hui shae. Atishi para proposed law tho legislation laka lines deh taki bo kui shae, kuto private schools, hospitals aro nursing homes keh regulate kuri bo. Proposed law para Delhi deh taka sob coaching centres keh regulate kuri bo. Etu tho ekta long-term solution taki bo,” Atishi para kui shae. “Fees keh b regulate kuri bole ase, kile koile coaching centres kan unregulated fees charge kureh. Coaching centres kan misleading advertisements issue kura tho rukai dibo.” Atishi para process kuto coaching centres keh regulate kuri bo, etu tho one-time nata kibo kui shae.” Coaching centres laka regular inspection taki bo.” Atishi para government kan, coaching centre deh prepare kura students kan keh invite kuri shae kui shae, secretariat deh consultation pabo karne.” Coaching centres kan deh ki ki illegal saman hui ase, etu tho tateh pura students kan heh bishi jani bo. Etu karne taikan lokot consultation kura tho zaruri ase,” Atishi para kui shae.