New Delhi, 18 March : Delhi High Court union sports ministry ke direct kuri dise ki National Sports Federations (NSFs) pora organise kura sports events te male aru female athletes laga majote gender parity maintain kuribo lage, karone Badminton Association of India (BAI) 2nd Khelo India Para Games, 2025 te female players karone kom slots allocate kura karone displeasure express kuri dise. Itu Games March 20-22 te Delhi te hobo.
**Ekjon Rahul Verma pora BAI laga February 13 notification khilaf te ekta plea file kuri dise, jun te selection criteria Games karone outline kura ase. Justice Sachin Datta laga bench March 12 order te, jun Thursday te upload kura hoise, observe kuri dise: “Female para athletes karone kom slots allocate kura to court ke manibo paranaikina ase. Sports te gender parity laga principle constitutional provisions aru National Sports Development Code of India, 2011 te mandate kura ase. Itu record te ase ki female athletes desh karone dangor glory ani thakise aru court to itu situation accept kuri bole paranaikina ase juntu male aru female contingent laga equilibrium maintain na hoi thakile.”
“Tai karone, Ministry of Youth Affairs and Sports ke direct kuri dise ki NSFs pora organise kura sporting events te male aru female athletes participation majote parity maintain kuribo try kuribo lage.”
Petitioner itu notification ke discriminate kuri se koi thakise karone female athletes karone sirf eight slots rakha dise aru men karone 16 slots rakha ase. Tai bhi koise ki itu established international players ke favour kuri thakise karone 75% slots world rankings upore basis kuri thakise, jun Khelo India scheme laga principle, juntu budding national level athletes ke promote kuribo laga, usorte ase nai.
BAI laga counsel itu explain kuri se ki performing international athletes laga pool kom thakibole karone itu hoise, kintu bhi federation try kuribo female para athletes participation increase kuribo karone aru extra slots provide kuribo, jun participants National Para-badminton Championship, 2024 aru Khelo India Para Games, 2023 pora dibole paribo.
Court itu petition dispose kuri dise karone Games Thursday pora start hobo.
Add Comment