New Delhi, 2 April : Rajpal Yadav etiya ekta bisi dangor legal problem majot ase, ₹9 crore debt aru cheque bounce case karone Tihar Jail te pathai diya pichete. Latest update hisab te, Delhi High Court April 2 din hearing khotom hua pora judgment reserve kori dise, karon final settlement efforts fail hoise.
Case tu Justice Swarana Kanta Sharma sunise, aru tai actor laga repayment issue te bar-bar stand change koria dekhina dissatisfaction dikhai dise.
Complainant company laga lawyer Avneet Singh Sikka court te koi ase ki Rajpal Yadav already nijor conviction accept kori dise, etiya liability avoid kori naparibo. Tai aru mention kori ase ki 2024 te file kora revision petition te 1894 din laga unexplained delay ase, aru proper reason nai. Tai koi ase ki sentence complete korile bhi financial dues khotom nohoi.
Court repeated try kori dise settlement anibo karone. Complainant ₹6 crore te final settlement agree kori ase, kintu Rajpal Yadav emotional hoina accept korianai, koise ki tai already bisi financial loss face kori ase, aru 5 flats bhi sell kori dise.
Court aru ekta option dise—₹3 crore structured payment ekta fixed timeline te—hoilebi etiya bhi eku agreement nai. Court strict warning dina koise ki, “judge nice hoile weak kuina nabhabi,” aru judicial time waste hoise kuina bhi remark kori dise.
Khotom hua pichete, eku settlement nohua karone, Delhi High Court judgment reserve kori dise, aru final decision etiya baki ase.
Add Comment