November 6, 2024: Wednesday din deh Delhi high court para devotes kan keh Yamuna river bank deh Chhath Puja perform kuri bole mana kuri shae. High court para river deh pollution bishi taka karne jinta janai di shae, taikan laka.
“Etu tho apni karne bishi bia taki bo. River tho bishi latera ase. Apni jai shae koile tho apni bimar hobo leh bishi chance ase. Etu mukan allow kuri bole napari bo. River nijor b bishi latera ase,” chief justice Manmohan aro justice Tushar Rao Gedela laka ekta bench para kui shae.
Delhi government counsel, Santosh Kumar Tripathi para high court keh Yamanu river tho bishi latera ase kui shae aro devotees kan riverbed deh Chhath Puja perform kuri shae koile tho, taikan bimar hobo leh bsihi chance ase kui shae, Live Law para report kuri shae.
Santosh Kumar Tripathi para court keh Delhi government kan ek hazar jaka keh earmark kuri shae kui shae, Chhath Puja tho perform kuri bo karne. Tai para arrangements kan b banai nah ase kui shae.
Plea keh reject kuri nah, high court para taikan laka recent order keh note kuri shae. Etu recent order tho Shabnam Burney case taki shae. Etu case deh Yamanu River tho bishi polluted ase kui nah judicial notice lui shae.
Chhath Puja tho Delhi laka Purvanchali community karne ekta dangor event ase. Etu community tho Delhi deh, 30-40 percent laka voter base keh represent kureh.
Add Comment