Wednesday, October 15 – Delhi High Court ekta important judgement te Bollywood superstar Hrithik Roshan laga property aru personality rights protect kurishe, karon AI (Artificial Intelligence) use kurkina manu tai laga naam aru photo misuse kori thake. Court order dishe ki sob AI-generated aru unauthorized commercial content juntu Roshan laga naam, image, kiman likeness use kore ase bina permission, taikhan turant remove kuribo lage.
Roshan court ke complain kuri thakishe ki kunba website aru individual tai laga identity use kurikian fake endorsement aru product listing banai public ke confuse kuri ase. Court acknowledge kurishe ki etu toh tai laga rights violate kuri ase aru public ke mislead kuri ase.
Kintu court clear kuri dishe ki commercial misuse aru fan content majote difference ase. Fan page, dance tutorial, aru tribute video juntu fun aru recreation nimite banai thake, jodi taikhan commercial purpose nai koile, taikhan remove nakurile bhi hoijabo.
Court laga aji decision dikhai dishe ki AI-generated content upor te regulation lagibo pare, karon unauthorized replica aru fake endorsement celebrity laga naam ke damage kuribo pare.
Legal expert khan etu judgement ke ekta landmark ase koishe, juntu AI aru digital age te celebrity aru public figure khan laga rights aru freedom of expression majote balance rakhibo nimite ekta important example hobo.
Add Comment