Nagaland

Delhi Laga Angami Community Para Sekrenyi Festival Celebrate Kurishey

March 3, 2025
2 Views

March 03, 2025, 07:28 PM: Itu Angami manu khan, kun toh hoiley Delhi tey thakey, tai khan eke logotey jama kurishey, Sekrenyi Festival celebrate kuriboley, kuntu toh hoiley Angami manu khan laga asol festival asey, Dr. APJ Abdul Kalam Road, Nagaland House New Delhi tey, 1st March, 2025.

Jawan aru bura-buri khan para itu festival tey join kurishey, kuntu toh hoiley itu Angami Krotho Delhi para organize kurishey. Itu festival toh hoiley khali rich culture aru tradition khan ekla preserve kuriboley karney nahoi, Angami tribe laga, bond khan aru friendship majbut kuriboley, hoilebi itu occasion toh hoiley tatey jama kuria manu khan ke Sekrenyi toh ki karney celebrate kurishey itu janai diboley aru itu celebration toh kiley significant asey itu janaboley.

Ekta panel discussion khan loishey, bujiboley lagi thaka nimitey aru poila laga tradition revive kuriboley aru itu logotey kuntu kuntu niyom khan Christian practice khan logotey nimley utu khan ke oppose kuri kena. Itu discussion tey tai khan khata para discuss kurishey keneka tai khan toh revive kuriboley paribo aru tai khan laga culture ke appreciate kuriboley paribo koi kena itya laga jamana tey, moi khan ki karney Sekrenyi toh celebrate kurey koi kena, aru keneka moi khan celebrate kurey, ekta notun tarika para aru itu kuria para moi khan laga jeevan tey value khan add kuri asey nan ai, koi kena.

Rev. Dr. Noulezhalie Ricky Medom, Pastor NCF Delhi, Deputy Director Information & Public Relations, Government of Nagaland, Kuolie Mere, Vikhilie Terhüja, Medovisienuo Dahou, khan itu discussion nimitey panellist khan thakishey, aru Dr. Kevisetuo Dzeyie para moderate kurishey.

Kevijalie Belho, President AKD para welcome address deliver kurishey aru Rev. Dr. Noulezhalie Ricky Medom, Pastor Naga Christian Fellowship, Delhi para invocation offer kurishey. Ekta special ganna present kurishey, AKD member khan logotey aru Ajalie Zuyie, Group Captain, IAF para ‘Geizo’ (poetry) share kurishey. Vikuoheo Chüpuo para itu programme ke compered kurishey aru Kethosinuo Tepa para vote of thanks deliver kurishey. Itu event tey toh hoiley ekta Open Naga Wrestling competition witness kurishey.