Delhi-Paris te Vistara Flights Nov 7 para soruh

New Delhi: Thursday din te Vistara, full-service carrier aro ata group aro Singapore Airlines laga joint venture para junaishe ke Delhi aro Paris CDG (Charles de Gaulle) majot te special, non-stop flights toh etu saal November 7 darik para soruh hobo koishe. Airline para etu flights toh India aro France pithor te ”transport bubble” agreement hesab te ase. Vistara toh etu tuita(2) cities majot te hafta te tui(2) paar Wednesdays aro Sundays din te perabo. Flights bookings nemite sob channels kulishe aro etu oper te Vistara’s website, mobile app aro travel agents te tickets paijabo, koikena airline para statement te janaishe. “ami khan besi kushi ase ke flights toh Paris dak te soruh hoboli, ami khan laga global network tangor steps ase. Etu flights para Europe aro itya samai India laga full-service carrier te opportunity paishe,” koikena Vistara laga Chief Executive Officer, Leslie Thng para khobor toh janaishe. Delhi aro Paris majot te fares toh- Delhi-Paris-Delhi dak te economy nemite Rs 40,499 ase, premium economy nemite Rs 71,999 ase aro business class nemite Rs 135,999 thakibo. Paris-Delhi-Paris laga return tickets toh economy, premium economy aro business class nemite euro 560, euro 880 aro euro 2,020 ase koishe. Delhi-Paris airline rasta toh Vistara’s Boeing 787-9 Dreamliner para sabo. Dreamliner aircraft toh highly efficient airflow aro filtration systems te bonaishe aro cabin pithor te hawa toh bahar para ahibo. Powerful HEPA filters trap 99.9 per cent particulates neshian viruses, bacteria, fungi aro cabin te hotai tui(3) tin(3) minutes pithor te hawa toh purify koriboli janaishe.