Delhi Rohini court te Gangster Jitender Gogi aro 2 jun morishe

New Delhi: Delhi’s most wanted gangsters- Jitender Gogi ke Friday din Rohini court pithor te goole mara-mari kora samai morishe. Khobor powa hesab te, tin(3) jun manuh kaun para gangster ke moraishe, tai khan toh be morishe koishe. Special Cell laga khobor para janaishe ke, tui(2) jun Rohit aro Morish toh Court Room No. 207 pithor te thakishe. Tai jun lawyers neshina kapra lakaina thaka nemite kuan para be suspect kora nao. Gogi toh etu same room te aha samai, tai jun para goole marai soruh hoishe. Police para ke goole jolaikena etu tui(2) jun ke spot te morai thishe. Eyewitness hesab te maiki ek jun law intern logot be goole para jokom paishe koishe. Courtroom pithor te hearing kori thaka samai Rohini court te goole mara mari korishe, police para koishe. DCP Special Cell Manishi Chandra, Special Commissioner Sanjay Singh be court pithor te thakishe aro Joint CP Northern Range SS Yadav be court te thakishe. Etu incident howa beche, Delhi Bar Association para fesla loishe ke lawyers khan para district courts te Saturday din September 25 darik te security norms revision nemite kam court te najaboli janaishe. Gogi aro tin(3) jun manuh ke Counter Intelligence unit of Delhi Police para March moina te thurishe. Gogi aro tai laga associates Kuldeep Maan alias Fajja, Rohit Moi aro Kapil ke Gurugram para thurishe. March moina te toh, Gangster Kuldeep Maan alias Fajja ke toh larai kora samai moraishe. Tai toh gangster Jitender Maan alias Gogi laga besi close sathi thakishe, tai ke hospital te elaj koribo nemite loikena aha te 10 armed manuh para police personnel ke hamla korishe.