New Delhi: Friday din Delhi te 115 notun coronavirus cases thurishe, etu melaikena National Capital te COVID-19 cases toh 14.33 lakh pongchise aro manuh mora toh 24,952 te othishe. Jowa 24 gonda pithor te 4 jun manuh mora khobor paishe, koikena Delhi health department laga sobse notun khobor hesab te janaishe. National Capital te COVID-19 positivity rate toh 0.15 percent te ase. Thursday din Delhi te 8 jun manuh mora aro 109 notun coronavirus cases record thakishe, etu oper te positivity rate toh 0.14 per cent te ase. Wednesday din national capital te 111 COVID-19 cases aro 7 jun mora khobor ase, etu samai positivity rate toh 0.15 per cent thakishe. Monday din Delhi te 89 coronavirus cases paishe aro positivity rate toh 0.16 per cent thakishe, etu saal itya dak sobse komti cases ase aro 11 jun morishe, koikena data para janaishe. City te April moina te bemari rate toh 36 per cent thaka toh itya 0.20 per cent te lamishe. Daily cases komti hoilebi, Chief Minister Arvind Kejriwal para 3rd wave toh chaces ase aro hosa ase koishe, etu nemite tai laga government para larai koriboli tayar kori ase koishe. Delhi te 2nd samai, April 20 darik te, city te 28,000 COVID-19 cases aro 227 manuh mora khobor thakishe. Hotai din laga bemari cases toh April 22 darik te 303 thakishe aro May 3 darik te City te 448 manuh mora khobor record hoishe, koikena officials data hesab te janaishe. Hoilebi, notun cases toh asti koikena neji kerishe aro olop din akhe para positivity rate toh be komti hoishe. Hotai din laga mora khobor toh be komti hoishe. Delhi government para health bulletin janai deya te, 24 gonda pithor te 77,477 COVID-19 tests loishe, itya national capital te cases tally toh 14,33,590 ase aro 14,06,958 manuh discharged hoishe. Etu samai active cases toh 1,680 ase aro etu pithor te 503 toh ghor te elaj kori ase.
Delhi te 115 notun cases aro 4 jun morishe
Add Comment