New Delhi: Notun hoshari neum toh Covid pheli thaka jaga te othaishe aro thermal screening, staggered lunch breaks, alternate seating arrangements, 50% seating per classroom, aro mandatory isolation aro school pithor te mandatory hoboli janaishe. Notun neum te students nemite isolation room thakibo koishe. Kautilya Government School principal, Dr CS Verma para NDTV logot koishe ke, “ami khan laga school students ke besi kushi para aro welcome kori ase, ami khan para strict social distancing rakibo; students pithor te food aro notebooks share koriboli nathibo aro students jodi bemar hoile isolation room bonabo.” Chirag Enclave te Kautilya Government School ttudents besi wala toh besi dukhai family para ase aro slum jaga te thaka students ase. Government school te arts aro craft teacher, AS Sharma para koishe ke, “online para teach koriboli toh besi dukh ase, ami khan logot alag-alag dukh ahi thaki, students besi laga saman nathaki aro tai khan pencil thuriboli rokibo napare.” Delhi government para koishe ke, colleges toh aro kuliboli parebo, hoilebi principals besi jun para NDTV logot koishe ke, tai khan itya be kuliboli eku formal communication nai koishe. Dr Promila Kumar, Principal, Gargi College para janaishe ke, “itya dak UCG para eku formal communication nai, keli koile college toh central government pithor te ase. Ami campus pithor te lively atmosphere miss kori ase aro etu oper te students laga jehera be saboli mon ase, students khan vaccine lowa beche wabas lok koribo.”
Add Comment