Delhi te 44 notun cases, 5 jun mora khobor

New Delhi: Tuesday din Delhi te 44 notun coronavirus cases khobor thakishe, etu melaikena national capital Delhi te COVID-19 cases toh 14.35 lakh pongchise aro etu bemari para 25,035 manuh morikena ase. Jowa 24 gonda pithor te 5 jun manuh mora khobor thakishe, koikena Delhi health department laga sobse notun bulletin hesab te janaishe. Etu samai 24 gonda majot te 37 manuh bemar bhal hoishe. National Capital Delhi te COVID-19 positivity rate toh 0.07 percent te ase koishe. Monday din Delhi te 36 cases thura khobor te positivity rate toh 0.07 per cent thakishe. Sunday din, Delhi te 51 cases paishe aro manuh mora toh zero te thakishe, etu samai Saturday din Delhi te 59 cases powa te 4 jun mora khobor paishe. Delhi government laga health bulletin khobor hesab te 24 gonda pithor te 63,019 COVID-19 tests loishe. National capital te bemari cases toh 14,35,609  te ase aro pulai 14,10,005 bemar manuh khan toh discharged hoishe nahoile bhal hoi jaishe. Itya active cases toh 569 ase etu pithor te 183 bemar manuh toh ghor te bohi ase koishe.