Agencies, 19 November: National capital te gari laga pollution namabo nemite Delhi government para Friday te Red Light On, Gadi Off” campaign laga second phase toh city laga 100 crossings jaga te suru korise.
Friday te Delhi Environment Minister Gopal Rai toh ITO crossing jaga te lok korise aro public khan support debole koise kelay koile etu pollution kelaaf fight te kamiyab bonabo nemtie.
Campaign toh October 18 te suru kora thakise aro etu toh November 18 te kothom koribole thakise. Hoilebe pollution levels otha dekhi kena government para campaign laga second phase toh Friday para suru koribole fesla korise.
‘Red Light On, Gadi Off’ campaign laga main aim toh city te gari pollution namabo nemite ase. Etiya etu toh aji para loikena 15 din tak nemite otha fesla korise aro etu toh December 3 tak joli thakibo koise. Public khan be etu campaign te hisha lobole aro pollution kelaaf fight koribole nemite appeal korise.
Delhi government para city te pollution control koribole sob lakiya steps loise. Etu step te entry of trucks bondh kora be melikena ase aro khali essential goods bokha te mana aro sob government employees nemite 100 percent khor para kaam koribole mana nesana ase.
Add Comment