New Delhi:33 sal Delhi mota doh police station te jaishe Sunday bhujor te aro dai nejor koishe ke dai para dai laga miki ke moraitishe koi kena kelai koile dai para suspect kurishe ke dai laga maiki doh alak mota logot relationship jai ase koi kena. Etu accuse ke dai laga bhai para motob kurishe etu maiki laga kao choto pieces katibole aro septic tank te bhelaibole.
Hindustan Times report laga heshap te, jarta telephonic te khota kura record para 33 sal mota para suspect kurishe, Ashu doh dai laga mother-in-law pe dhakishe crime howa becha te.etu para investigator ke motob kurishe dai laga bhai Tarun’s pe etu crime te mela nemite, police official para koishe.
Tarun, 25 doh bolai jaishe ketiya Ashu Delhi’s Prem Nagar police station bahar olai jaha becha te 11 am Sunday te aro dai laga maiki Seema ke moraitibole.
Ashu para police ke kowa nai Tarun nemite, kon doh police khan para Ashu’s laga mobile phone dai laga khor te baha becha te olaishe.
Seema moraitiya becha te, Ashu para dai laga maiki laga amma ke koi deshe ke dai laga maiki baja moraitibole. Dai para jar par call kurishe 9 am aro midnight major Saturday te, hoilebe Seema laga Amma para etu khota ke eman serious lowa nai koishe, police para.
Police laga heshap te Ashu laga mother-in-law doh etu khota kura becha te khomy jaishe.Ashu para aro etu major te Tarun ke matishe, dai para Seema moraitibole koishe aro etu para dai motob kurishe mora laga kao bhelaibole.
Police para koishe doita bhai para etu moraitiya jaka te saba kurishe, khon saba kurishe aro khon kabera ke laka nemite dai kosor kurishe.
Add Comment