Delhi te dowry nemite motha para maiki ke moriashe

New Delhi: Thursday din south Delhi’s Maidangarhi jaga te notun sathi hoikena dowry nemite jakara kora samai 29 umer motha para tai laga maiki ke moraishe. Etu manuh ke police para thurishe koishe. Accused, Kuldeep Singh Rana toh assistant contractor ase koikena tai khan para janaishe. Wednesday din Rana aro tai laga maiki 25 umer toh toh maiki laga papa/ama ghor Uttarakhand para Delhi wabas ahishe. Olop thiri thaka beche, Rana toh daru kaikena maiki logot moraishe, koikena police para khobor toh janaishe. Tai jun toh April 26 darik te sathi korishe aro maiki laga body toh Thursday pujur bedroom te thakishe, police para koishe. Maiki laga neck aro face te konuba bluish marks thakishe, tai toh neck te thapaikena morai deya ase, koikena senior police officer para khobor toh janaishe. Deputy Commissioner of Police (South) Atul Kumar Thakur para koishe ke, accused motha ke thurishe aro tai oper te murder cases registered korishe. “Wednesday din te Preliminary investigation hesab te, motha toh daru kaikena tai laga maiki ke marithishe. Khobor hesab te jakara kora toh dowry nemite ase, hoilebi motha logot dowry toh paishe. Mathi aro saman toh motha para tai laga nam te registered koriboli mon thakishe,” koikena police para janaishe.