June 28, 2021. India te aro nationa capital, Delhi te Monday din para active COVID-19 cases komti hoi thaka nemite konuba kam jaga toh kulishe koihse. Etu relaxation toh Monday 5 am para soruh hoishe. Etu nemite order hesab te guidelines aro relaxations janaishe. Notun order hesab te Delhi te aji para Weddings banquet, marriage halls aro hotels toh 50 manuh attendance te kulibo. Court aro ghor te Marriages toh 20 manuh te COVID hoshari neum te thakibo. Banquet halls,marriage halls aro hotels laga malik khan para COVID-19 hoshari neum toh saikena face mask lakai na social distancing thakiboli janaishe. Gyms aro yoga centres toh 50 per cent capacity te unlock phased hesab kulibo. Schools, colleges and educational institutes, cinemas, multiplexes, swimming pools, aro entertainment aro amusement parks toh etu samai bondh thakibo. Weddings jarikena Banquet halls te dosura kam mana thakibo aro July 5 darik 5 am samai dak kam kora toh restricted te koribo. Gyms aro banquet halls toh April 19 darik para bondh hoikena ase. May 2nd week samai, Delhi te 2nd wave COVID-19 halat besi beya thakishe aro etu samai wedding toh Court aro ghor te 20 manuh pithor te thakiboli manishe. National Capital te 89 COVID-19 cases thurishe aro 4 jun mora khobor paishe. Sunday din positivity toh 0.12 per cent te lamishe, koikena health department para janaishe. Itya dak Delhi te 14,33,934 coronavirus cases thurikena ase, etu pithor te 14.07 lakh bemar manuh khan bhal hoishe aro bemar para 24,965 manuh morishe. Sunday din health bulletin hesab te hafta akhe te 170 COVID-19 cases ase koikena Central Jail Hospital, Tihar Prisons te ICMR portal hesab te janaishe. Saturday din city te 85 cases of coronavirus khobor thakishe, etu ek din pithor laga sobse komti cases ase aro positivity rate toh 0.12 per cent hoishe aro 9 jun morishe.
Add Comment