New Delhi: National capital te COVID-19 restrictions konuba relaxations deya te, Sunday din Delhi Government para bars, public parks, gardens aro golf clubs toh 50 per cent te kuliboli janaishe. Etu relaxations toh June 28 darik 5 am para soruh koribo koishe. Outdoor yoga activities be kulishe. Market sob aro market complexes aro malls toh 10 am para 8 pm dak kulibo manishe. Sob Government offices toh of Grade-I officers aro oper para loikena 100 per cent thakibo aro baki staff khan toh 50 per cent te Head of the Department (HOD) laga hesab te kam soruh koribo. Sob Private office te staff manuh 50 per cent te 9 am para 5 pm dak kam koribo. Residential jaga osor te dukan toh hotai din kula thakibo, etu oper te markets aro market complexes toh 10 am para 8 pm dak kula thakibo. June 13 darik te, Delhi Government junaishe ke, lockdown restrictions te dukan toh sob markets aro malls te kuliboli koishe. Restaurants toh 50 per cent seating capacity te kulibo aro Delhi Metro aro buses toh be 50 per cent te perabo. National capital te lockdown toh April 19 darik para soruh hoishe aro etu beche May 31 darik para konuba activities kula soruh hoikena jai ase. Etu samai, 24 gonda pithor Delhi te notun COVID-19 case toh 135 thurishe aro 201 bemar manuh bhal hoishe, etu oper te bemar para 7 jun mora khobor thakishe, koikena Saturday din Delhi Health Department para janaishe.
Etu hoikena, Capital te cases sob melaikena 14,32,168 ase aro 2,372 active cases hoishe aro 14,04,889 bemar bhal hoishe, koikena khobor para janaishe.
Add Comment