Delhi te N Biren Singh aro PM Modi kotha koishe

GUWAHATI: Monday din Chief Minister N Biren Singh para Prime Minister Narendra Modi logot state administration para peace aro development nemite alag-alag kam kora te kotha koishe. Chief Minister N Biren Singh toh Delhi te Prime Minister Modi ke lok koriboli jaishe. Chief minister para janaishe ke, “aji ami Prime Minister Narendra Modi Ji ke lok korikena state government para Manipur te peace aro development nemite kam kora toh janaishe aro tai ke drugs aro corruption nemite te larai kori thaka toh be koishe”. Tui(2) paar wala Manipur Chief Minister koriboli sworn kora beche etu Delhi te visit kora toh 1^st trip ase. “next kam toh state te drugs hataboli koribo aro etu beche state te pithor manuh khan ke table te political kotha koribo,” tai para aro janaishe. Manipur Assembly elections samai 60-member House te 32 seats majority kamyaab paishe aro itya Manipur te power ahishe. Governor La Ganesan para Singh, Cabinet Ministers Thongam Biswajit Singh, Yumnam Khemchand Singh, Govindas Konthoujam, and Nemcha Kipgen, BJP, aro Awngbow Newmai, Naga People’s Front (NPF) logot oath thishe. Congress para 5 seats jetishe, etu samai NPP para 7 seats paishe. Naga People’s Front (NPF) logot 5 seats jaishe aro Kuki People’s Alliance para 2 seats paishe aro 3 seats toh independents para kamyaab paishe. Naga People’s Front (NPF) arp National People’s Party (NPP) laga motob te BJP para Biren Singh Chief Minister hoikena government bonaishe.