New Delhi, October 18 : Delhi Development Authority (DDA) para Wednesday din tea lag property jaruri mati, already banaikina thaka dukan, kiosks(chutu, temporary booth) aro mobile tower sites khan ke ekta dangor e-auction launch kurisey. Function laga jaga, kiosks, mobile tower jaga, CNG/green fuel sitesaro school, college khan laga jaga nimitey boli laga tu November 7 te rakhibole asey.
E-auction (online te auction kora) laga sobsey latest phase te, taikhan laga dangor e-auction laga 18th phase te – kheti kuribole, building banabole sobsey best mati te, petrol pump te, already nbanaikina thaka dukan , kiosks, mobile tower laga jaga aro alag khan nimitey registration tu November 6 tak khula asey.
Urban body para ekta bayan te enaka koisey, “ DDA (Delhi Development Authority) para Rohini te 50 institutional mati(college, school khan thaka jaga) aro 20 dhormic jaga ke bondhok laga hisap te dibole nimitey boli lagabole invite kurisey aro12 industrial mati, 46 ghor thaka mati, duita group housing mati, 28 commercial mati aro 19 chutu size laga ghor banaikina thakibole mati te freehold hisap te boli lagabole(kun kiman poisa dikina lobole parey) invite kuri asey.”
Etu opor te duita CNG/green fuel thaka mati aro 4ta gas godown nimitey bi annual licence fee terabole lagikina boli lagabole invite kurisey. 145 freehold dukan, 13 freehold Janak Place dukan, 15 Kiosk, 16 Mobile Tower thaka mati aro 105 function kora mati ke moina hisap te fee teraikina boli lagabole invite kurisey.
DDA para Vikas Sedan te thaka Delhi laga Nagrik Suvidha Kendra te thaka office te ekta help desk khara kurisey. Taikhan laga maksat tu etu mati khan kinibole nimitey boli laga manu khan laga doubt thaka tu dur kuribole aro digital signature pabole modod kuribole aro registration nohoile training te modod kuribole laga asey.
Etu online auction te bhag lobole nimitey digital signature jaruri asey.
Add Comment