New Delhi: Delhi te etu saal pithor May 22 darik dak te 25 dengue cases paikena ase, etu cases toh 2013 saal January-May moina logot besi wala ase koikena Monday din south civic body para khobor toh junaishe. Etu eke samai te malaria 8 cases aro chikungunya 4 cases be thurishe, khobor para janaishe. Delhi te vector-borne bemar toh July aro November moina dak thaki hoilebi, etu paar toh December moina dak jaboli koishe. South Delhi Municipal Corporation (SDMC) laga khobor para koishe ke, vector-borne bemar laga nodal agency tabulating data hesab te etu saal May 22 darik dak national capital te dengue bemar toh 25 cases thurikena ase. Hoilebi, January moina te toh eku cases powa nai, March moina te 5 cases paishe, April moina te 10 cases aro May moina te 8 cases thurishe koishe. 2016 saal te January 1 darik para loikena May 22 darik dak te 10 dengue cases khobor thakishe, 2017 saal te 19 cases, 2018 saal te 15 cases, 2019 saal te 11 cases aro 2020 saal te 18 cases thurishe, koikena khobor para janaishe. Khobor hesab te, etu saal May 22 darik dak Delhi te aro malaria toh 8 cases aro chikungunya 4 cases thurishe. Dengue mosquito toh sapa paani para olai thaki aro malaria mosquito toh letera paani te thaki koishe. Delhi te cyclonic storm Tauktae nemite 119.3 mm paani loikena ahishe aro western jaga te be 24 gonda paani ahikena May 20 darik 8:30 am samai rokishe, koikena India Meteorological Department para khobor toh janaishe. Puila akhe saal May 24 darik 1976 saal te 60 mm aha logot tui(2) paar para besi wala ase koishe.
Delhi:May 22 dak te dengue cases 25 paishe
