Delhi’s Akansha NEET top position harishe

October  17,2020: Delhi, laga ekta student  Akansha Singh toh  olop akhe te ola  National Eligibility cum Entrance Test (NEET) results  te   first position ke harabole  olaishe etu  bi  720  te 720 score kurikena bi.

Tai ke  joint  topper nakuraidiya  toh  soyeb  Aftab logote  kile  koile toh tai underage thaka nimete ase.

2020  para ekta top rank harishe   tai laga sal nimete. National Testing Agency’s (NTA) tie-breaking policy, hisaab te factors khan etu te  age, subject-wise marks aro galti  thaka  answers  khan saishe.

Reports  hisaab te   etu maiki toh tai laga top rank toh Odisha’s SoyebAftab logote haribole  olaishe age barrier nimete.

official  koikena  janaishe ki “SoyebAftab Odisha aro  Akansha Singh delhi laga    duijun  bi perfect 720  score kurishe      NEET examination te  hoilebi  Aftab  dangor thaka  nimete   tai ke top ranked paishe   national ranking te.”

Official koikena  janaishe “etu candidates  laga ranking  toh     scores uporte thakishe Biology and Chemistry te.etu  huwa pichede   cases te kuntu te candidates khan  shortlist kuribole  napara samay  scores nimete     candidates khan ke aro bi shortlist kureh       answers khan galti  kura khan  saikena etu pichede hi tai khan  ke  shortlist   kureh sal hisaab te.dangor wala     ke  preference deh.”

NTA para NEET-UG 2020 exam laga results toh Friday din te olaishe.official data hisaab te   komti hoilebi  15,97,435 candidates khan  NEET 2020 exam nimete register kurishe.

Etu   te total  registered candidates te 13,66,945 khan  September  13 aro  October 14 te luwa exam te ahise.

Etu test toh 11 languages English, Hindi, Assamese, Bengali, Gujarati, Kannada, Marathi, Odia, Tamil, Telugu aro Urdu —te thakishe  etu sal  .

Bishi moina  diri kura pichede lockdown aro  Covid19 pandemic   nimete   NEET 2020 examination toh September 13, 2020 te loishe.

Supreme court para  hokum dikena  ekta  special examination NEET 2020 October 14 te loishe kile  koile toh bishi wala candidates khan  first attempt te  dibole  napara nimete September 13 te  Covid19 pandemic situation nimete.

Candidates kun khan  NEET 2020 clear kurishe  tai khan medical colleges te admission pabo entrance test laga score hisaab te.

NTA khan para counselling  detais admission process nimete joldi olaidibo.