Delhi’s Rohini Court blast te 1 jun jokom

New Delhi: Thursday din Delhi’s Rohini Court te bomb blast howa te ek jun manuh jokom paishe, koikena khobor para janaishe. Fire department official para kowa media para janaishe ke, 10.40 am te Chamber no 102 te blast hoishe koikena khobor powa nemite Fire Department laga 7 fire tenders toh etu incident howa jaga te jaishe koishe. Official para koishe ke, blast toh komti para howa nemite ek jun jokom paishe aro tai ke joldi te osor hospital te fire tenders napongcha akhe te loikena jaishe koishe. Official para koishe ke, etu incident dosura alag eku beya howa nai. Dosura khobor ekta te lawyer ek jun para janaishe ke, etu inicident howa beche kam sob rokishe. Deputy Commissioner of Police (Rohini) Pranav Tayal toh etu hatsa jaga te ahikena tai laga kam kori thaka thikishe. Khobor para aro koishe ke, manuh khan majot te phui aro jamila thakishe, hoilebi itya situation toh under control te ase koishe.