Ekta maiki, tai successful hoilebi nohoilebi, kityabi kaafi hobo paribo? Golden Globes Award ceremony te, Coralie Fargeat laga film ‘The Substance’ te ekta fresh nathaka hoija main role nibha nimitey best actress award pa homoitey, Devi Moore para nijor opor te doubt thaka aro motha khan laga nazar thaka laga bari te reveal kurisey kuntu para tailaga jibon aro choice khan ke frame kurisey(nohoilebi banaidisey). Etu khan para tai success tu paisey hoilebi tailaga talent laga acknowledgement tu panai. Tailaga 50 years maan laga career te, Golden Globe tu tailaga first award thakisey. 62 years laga Demi Moore para koisey, “Enaka homoi, jitya amikhan ke lagey ki amikhan eman smart nai nohoilebi eman sundur nai, eman patla nai, eman successful nai nohoilebi amikhan eney kaafi hey nai, amikey ekjun maiki para enaka koisey, “Etu janibi ki apni tu kitya bi kaafi nohobo, hoilebi apni para apni laga kimat tu titya janibo jitya apni para etu measure kurithaka laga lathi tu nichey rakhidibo.”
Demi Moore laga career- Blame It On Rio (1948) te tailaga mashoor role para loikina 1990 te release huwa ‘Ghost’ aro 1993 laga Indecent Proposal para tailaga photo shoot, pregnant aro Vanity Fair nimitey kapra nipindikina thaka taak- etu point te pungchijaisey. Hoilebi etu khan para bisi exciting homoi aro etu khan para bi bisi interesting project logotey ahibole naparibo thakisey. ‘The Substance’ film tu Hollywood para jawan manu khan ke bisi respect kora aro body dysmorphia(ekta dimag laga condition kotey ekjun manu tu taikhan laga chehra aro gao tu thik nai koikina bhabna kurikina bisi homoi felai) kuntu para Demi Moore nisna maiki khan ke affect korey etu laga opor te ekta kara najar dhaley. Kun khan ke biswas dilai ki TV show laga business te etu khan ekta capital asey kuntu logotey taikhan jibon bitabo lagibo. Hoilebi etu film tu buri hoithaka maiki khan para nijor laga bari te koithaka bisi kahani khan majotey ekta series hey asey. ‘True Detectives’ film te kaam kora Jodie Foster para loikina ‘Hacks’ film te kaam kora Jean Smart para ‘Babygirl’ film laga Nicole Kidman taak, nutun show aro film khan para maiki khan ke behtar tarika para dikhabole laga ekta case banai asey. Mota khan para dominate kurikina thaka industry te ekta decoration laga bustu nisna nohoikina spotlight te ‘ekta complete hoikina thaka laga sign’, wrinkles aro buri hoija skin logotey.
Hoilebi, etyatak bi mota maiki majotey equal nathaka tu chuli asey. Aro MeToo para olop modod paithaka bi khotom hoijaisey. Aro maiki khan ke mota khan laga compare te komti tankha diya laga silsila tu etya taak bi chuli asey. Maiki khan tu etya bi bisi lamba rasta jabole baaki asey. Hoilebi etu journey tu olop komti bhoi kha laga hobo parey. Hope (asha) tu ekta shaktishali jadui dawai nisna asey. Khas kurikina jitya amikhan ekla nohoi.
Add Comment