New Delhi: Prime Minister Narendra Modi Friday din announce kurise ke tai laga government ekdom sigra ekta high-powered demography mission set up kuribo, juntu unlawful entry kura thaka foreign national khan opor te action lobo karone ase.
Etu announcement Opposition laga allegation piche te ahi ase, juntu BJP opor te accuse kurise ke Bihar te electoral roll laga Special Intensive Revision (SIR) misuse kuri thaka, immigrants khan, specially minority community opor te target kura karone.
Independence Day speech te, Red Fort para deliver kura thaka time te, Modi remind kurise ke India laga forefathers freedom pabo karone supreme sacrifice korise, aru citizens laga duty hobo illegal foreign nationals laga influx accept na kuribole.
“Aji din ami desh ke ekta concern, ekta challenge opor te alert kuribo mon ase. Ekta plan kuri thaka conspiracy opor te desh laga demography change kuribo kosis kurise. Ekta notun crisis laga seed boi dise. Etu ghuspaithiya (intruder) khan India laga youth khan laga livelihood uthai loise, etu ghuspaithiya khan India laga sister aru daughter khan ke target kurise – aru etu tolerate nahobo. Etu ghuspaithiya innocent tribal khan ke mislead kuri ase aru taikan laga land occupy kuri ase. Etu country tolerate nakuribo,” Modi assert kurise.
“Red Fort para aji din moi announce kuri ase ke ekta high-powered demography mission suru kuribo decide kori loise. Etu mission ekta well-thought-out manner te, ekta set time frame te, India uporte uthibo thaka crisis opor te deal kuribo. Aru ami etu direction te age tak jabole suru kori dise,” PM koise.
Tai note kurise ke etu demographic change, specially border area te, India laga security opor te serious threat ase, aru gradually unity, integrity aru progress opor te danger banei thaka potential threat ase, juntu social tension laga seed hoi ase.
2024 Lok Sabha election time te bhi, Modi infiltration opor te kotha koise aru “ghuspaithiya” laga term campaign te use kurise.
BJP, West Bengal aru Jharkhand assembly election campaign time te, illegal immigrant Bangladesh para tribal girl logot biya kuribo laga issue raise kurise.
Add Comment