Los Angeles, 9 November : Hollywood filmmaker Denis Villeneuve next James Bond actor laga identity announce koribo kuina audience ke tease korise, kintu naam reveal kora nai. Los Angeles te 15th LACMA Art+Film Gala event te award accept kora time te tai joke kori koise ki Amazon laga blessing loi tai next 007 actor announce koribo. Kintu naam kobo jaikena tai suddenly stop kori koise ki producer Amy Pascal bishi tension pabo. Daniel Craig 2021 te No Time to Die pichete James Bond role eri diya pichete, next actor kun hobo itu loi speculation chali ase. Robert Pattinson, Nicholas Hoult, Josh O’Connor, Callum Turner aru Jack Lowden laga naam potential candidates hisab te discuss hoise. Villeneuve koise ki casting process tai enjoy kori ase, kintu official announcement etiya hua nai.
Denis Villeneuve James Bond laga next actor announce koribo kuina tease korise
