Denmark, November 8 – Denmark government ekta dangor step loi ase, juntu bacha khan laga mental health bachabo karone social media use ban koribo 15 saal niche khan karone. Etu decision Europe Union te ekta first country para ahishe juntu bacha khan uporte social media laga effect uporte dangor chinta dekhaishe.
Government laga hisap te, nolaik bacha khan 15 saal niche thaka khan social media account bonai naparibo. Kintu jodi 13 aru 14 saal laga bacha khan ase, taikhan para account bonai paribo jodi baba ama agree korile. Etu plan laga part hoishe ekta bishi dangor digital safety project, juntu te Denmark government 160 million Danish kroner (around $25 million) fund kori ase bacha khan ke online safe rakhibo karone.
Etu measure te online platform uporte EU laga Digital Services Act laga rule strict kori dibo, influencer marketing bacha khan target kori thaka uporte control koribo, aru safer social media platform promote koribo juntu bacha khan karone thik ase. Government official khan koi ase etu law khali ban koribo karone nohoi, kintu bacha khan ke healthy online habit sikhaibo aru cyberbullying, beauty standard, aru mental problem para bachabo karone ase.
Expert khan aji kali bishi warning dishe ki social media use bacha khan majote anxiety, tension, aru sleep problem uthai ase. Denmark laga etu step world wide attention loi ase, aru Australia bhi same rule consider kori thake.
Jetiya Denmark etu new digital rule apply shuru koribo, manu khan question uthibo eneka rule enforce kinika koribo aru big tech company khan ki reaction dibo. Kintu etu step ekta important sign ase ki world te digital freedom aru bacha khan welfare majote ekta balance rakhibo laga time ahi jaishe.
Add Comment