Denmark, 8 May 2025: Denmark laka foreign minister pra koishey tai matibo US ambassador ke report address kuribo leh, Washington laka spy agencies khan ke kwa laka Greenland ke focus kuribo leh Donald Trump laka dhamki dia time te island toh lubo leh. Lars Lokke Rasmuseen pra koishey, The Wall Street Journal te report ke jawab d kina, Moi bishi mon chinta hoishey kileh maneh moikhan sati laka opor te spy nakureh. Newspaper laka hisap pra, US spy agencies khan ke koishey efforts te focus kuribo leh semi-autonomous country’s independence movement te. Aro American goals te mineral resources toh lubo leh. National Intelligence laka director Tulsi Gabbard pra Journal ke accused kuri shey President Donald Trump ke ‘undermine’ kuribo leh koshis nimite te classified information toh leak aro politicize kura nimite.
Report toh deny nakuri kina, tai pra newspaper ke accused kuri shey law toh break kura laka aro taikhan laka nation’s security aro demoncracy toh undermine kura karne. Rasmussen, kun EU minister meeting attend kuri thaki shey Warsaw te, koishey report toh olop disturbing thaki shey. Ramussen pra koishey, Moikhan US acting ambassador ke matibo ase discussion nimite foreign country te sabo leh eni moikhan information toh confirm kuribo paribo nanai. Kun pra koishey taikhan toh reject kura dikha nahoi. Etu karne mon chinta ase.
Danish security and Intelligence Service (PET) khan article opor te jawab dibo leh mana kuri shey. Hoileh b Danish media ke koishey taikhan ‘naturally’ US interest Greenland opor te note loishey. International interest hisap pra Greenland te general te, agency pra koishey espionage dhamki uthi shey taikhan aro Denmark laka against te. President Donald Trump bishi bar koishey Greenland laka control lubo leh.
Add Comment