Dimapur, May 29: Dimapur Eastern Nagaland Students’ Union (DENSU), Dimapur Ao Youth Organisation (DAYO) para ektum gara condemn korise, khor te kaam koribole rakha non-local bacha ke mara opor te. Etu toh Sematilla Colony, Dimapur te thaka couple naam Lipokchuba aro Bendangnaro para ase koise. Etu nemite Sub Urban Police station te FIR file hoise koise.
DENSU para condemn letter te, etu toh khali physical assault nahoi hoilebe jevaan te attempt ase koise.
Enaka morom nakora act 9 omar moda bacha kelaaf couple kon nejor laga bacha be thaka para commit kora toh bhabona koribole napara aro monn horu bonaideya laga ase aro etu eki toh humanity nemite khatara ase koise.
DENSU para appeal korise sob thek bhabona kora society khan dhanda nahobole hoilebe morom nakora act te condemn koribole.
Aro Sub-Urban Police station para suo motto FIR register koribole joldi action lowa aro couple te arrest kora te janishe.
Union para law enforcing agency ke request korise issue te agae loijabole eku nacharibole aro minor victim ke ensaaf debole nemite.
Dimapur Police para hatsa opor te janaideya te Sematilla colony te shaadi couple thaka ke para minor moda kelaaf mara te arrest korise. Suo moto FIR te, ekta case toh Sub Urban Police Station te registered korise koise.
Dimapur Ao Youth Organisation (DAYO) para press release te enaka khatara crimes laga culprit ke civilized society te namanibo koise aro law enforcing agencies ke demand korise ensaaf debole nemite cuprit kelaaf law hisab te joldi saja debo nemite.
Organization para be Sub Urban PS laga personnel ke ektum kushi powa janaishe thek samai action lowa nemite aro community laga kon member para hoilebe criminal ke bail debole kosish nakoribo laki koise aro dekthari nahoi kena law laga own course lobole debi koise.
Add Comment