Dimapur, September 8: Delhi Eastern Nagaland Student Union (DENSU) khan Saturday te 29-Dr APJ Abdul Kalm Road Nagaland House, New Delhi te social work loishe ..Etu social te komti hoilebi 50 jun student aro bura manu khan etu social work te ahise .Pohila bar etu pura compound khan toh sapha kurishe aro Nagaland House laga lawn te thaka morung bi thik thak pora bonaishe, Kuolie Mere, PRO (IPR), Nagaland House, New Delhi koikena janaishe. Deputy Resident Commissioner Kethosituo Sekhose, CAWD Engineer Sungti Amer, Dr Hentok Phom and Kuolie Mere, Press Relations Officer khan bi modot kurishe etu social work time te.
DENSU social work loishe
