Department of Horticulture keh prestigious award di shae

July 25, 2024: Department of Horticulture, Government of Nagaland keh aro ekta prestigious National Award di shae, ‘Promotion of Best Horticulture Farming and Products’ karne. Etu award tho recently kotom hua International Agriculture and Horti Expo deh di shae, kuto Pragti Maidan, New Delhi deh taki shae. Etu event tho ekta yearly event ase kuto NSS Media group para organise kureh. Event tho 20^th July para 22thJuly 2024 din tak lui shae aro etu event tho country laka sobse bhal agricultural aro horticulture advancement kan showcare kureh.

Department tho  teentha officials aro Entrepreneurs Association laka ekta representative para represent kuri shae. Taikan para collaborative spirit aro commitment kan highlight kuri shae, Horticultural excellence deh. Department para Perilla seed oil, Ginger powder, Dry Naga King Chilli, Sumac Powder, Candied Mango aro Plum nishi nah home grown products kan showcase kuri shae.