February 13, 2024 : Itu toh hoiley general information nimitey asey ki, itu power shortage toh hoiley ekta alarming state tey punchi jaishey, itu State tey, hydro generate kuria station khan nimitey, bhal para generate kuriboley napara nimitey, full potential para. Alaga lag thermal power station khan itu region tey bhi bon kuri di kena asey, maintenance kuri thaka nimitey, kuntu para toh hoiley power shortage khan hoishey. Kiley koiley North East Region toh hoiley bishi bhak toh hydro power tey he dependent thaki kena asey, shortage toh hoiley ekta perennial problem asey, itu lean season khan tey hudai saal. Eneka thakilebi, itu shortage hoi thaka toh bishi acute hoishey itu saal. Ekta major thermal power station maintenance nimitey shutdown kuria para toh, itu power availability situation toh aru bhi biya hoi jaishey.
Availability aru supply toh hoiley hudai saal uthi uthi kena jai asey, hoilebi, itu itu laga demand toh aru bhi uthi jai asey. Ekbar sai jailey, itu State tey demand laga peak toh 1990s tey thaka toh hoiley khali 60MW he thakishey. Hoilebi, itya laga sai jailey toh, peak laga demand toh hoiley 300% para uhti jaishey, 180MV tak hoi kena. Eneka thakilebi, itu availability toh hoiley 100MV tak asey, khali peak hours laga homoi tey. Aru itu laga saath saath power laga daam bhi saal saal tey uhti uthi jai asey.
Itu nimitey, itu Department para sob consumers khan ke request kuria toh hoiley itu asey ki, tai khan khali judicious para electricity chulawa ekla nahoi, hoilebi, diligent para itu Department logotey cooperate kuriboley koishey, muhina muhina laga light- bill khan phat phat para payment kuri kena. Itu Department para itu bhi request kuri kena ahishey sob Bosti laga Council khan ke, itu District Administration through para, modod kuriboley aru assist kuriboley, sob vegetation khan sapha kuriboley, gaas khan aru bamboo khan nishina, kotey kotey line-wire khan asey tatey phaney, kiley koiley bishi bhak interrupt kuria toh hoiley itu nishina vegetation khan para he hoi thakey.
Itu State toh itya hoiley, 90% toh power import kuriboley laga tey he dependent hoi kena asey. Itu Department para itu nimitey appeal kurishey ki, kun kun laga organisation khan thakilebi, power installation khan tey disrupt nakuriboley laga janaishey, kiley maney itu para toh aru bhi, power instability khan kuridibo. Ekta lamba homoi laga solution nimitey, itu Department toh hoiley process tey asey, aru bhi hydro project khan generate kuriboley karney, itu State laga bhitor tey, notun transmissiona aru distribution line khan aru sub- station khan bhi milai kena, power service khan aru bhi bhal banai kena. Cooperation toh morom para eneka he banai kena rakiboley koishey Department logotey, itu sob manu khan laga bhal nimitey.
Itu Department para itu yaad tey rakhi kena ki, itu HSLC aru HSSLC exam khan toh hoiley sob measure khan loi asey, power stability improve kuriboley aru stable supply ensure kuriboley.
Add Comment