New Delhi 19 December: Thurday din 56th Raising Day mana time deh Union Home Minister Amit Shah para force laga troops aro officers ke koise, “Desh laga shanty beya kuribole nemide konbah manu khan toh borders jolai ase, besi phak Nepal border.
Mr Shah koise, last ek-sal etu border deh 54 infiltrators thura khan majode tuita Pakistanis be melikena ase.
Tai koise, etu infiltrators ke Pakistan ke charikena 24 desh para ahiya laga ase.
Mr Shah koise, India toh Nepal aro Bhutan logode cordial aro friendly relations ase aro etu desh laga manu khan ke border force para tai khan ke samaan para sabo nemide ensure kori.
Home Minister koise, “Hoilebe duniya deh pera toh sosta howah nemide etu desh laga manu kon India shanty thaga dekhibole mon nai etu khan Nepal border jolai ase.
Mr Shah aro koise, last ek sal deh force para etu borders deh Rs 380 crore laga saman seize korise. Tati Rs 166 core laga narcotics be melikena ase.
Tai koise, desh laga 130 crore manu khan shanty para homa toh SSB nesana forces para desh ke guard kora nemide ase.
Mr Shah para be wada korise Narendra Modi government para ek sal nohoile ek sal adha majode sob border deh guard kora jawans ke nai nai koilebe 100 din laga leave debo nemide.
Shah koise, etu toh daan kaam ase hoilebi Modi government para tusara daan targets toh loise. Etu be koridebo.
Tai koise, ahiya sal kothom howah bechide force ke ekta 12,055 personnel laga manpower debo.
Speech nadiya agae deh home minister para parade ke saise aro 80,000 opor personnel ke medals aro decorations present korise.
Event deh Ambassadors of Nepal and Bhutan to India, Army Chief General Bipin Rawat aro alak alak Central Armed Police Forces (CAPFs) laga chief aro central police organisations thakise.
Add Comment