August 21 2020: Delhi High Court para Friday te Delhi police ke koishe kile tai khan logote Devangana Kalita para biya kotha kura laga video ekta bi nai.
Justice Suresh Kait koishe “Judi tia para 2019 para galti kurishe koile toh police khan para tai laga khilaaf sabot jamaa kuribole lageh.”
Court para police ke koishe”apuni logote okobi ase na nai dikhabole nimete ki tai para speech diya toh dikdaar wala ase. Apuni khan bhabona nakureh apuni khan record kuribole nmete nohoile toh sabot rakhibole nime te kile koile tai para 2019 para galti kaam kuri thaka nimete.”
Investigating officer (IO) para jawab dikena koishe Kalita laga video toh lobole paranai kile koile toh tai toh 1 km akhe te thakishe Jafrabad Metro station bahar te aro tai khan laga camera thura manu toh akhe te thakishe.
Judge para etu te jawab dikena koishe”etu ase koile toh apuni khan kinika hunishe ki tai toh biya kotha kuri ase koikena.
Etu te jawab dikena IO koishe ki station house officer toh station osorte jaishe etu time te tai para Kalita para crowd ke kotha kura samay te hunishe.
Kalita nimete aha toh senior advocate Kapil Sibal para koishe court ke ki tai ke misa mishi thura ase.
Sibal para aro bi koishe ki Kalita para okobi biya kotha kuranai tai etu protest te bhaagh loikena thakile bi.
Tai para aro bi koishe ki etu te okobi sabut thakanai tai guilt ase koikena aro Kalita toh akhe para hi bail dishe charta Fir te duita te.
Additional Solicitor General (ASG) SV Raju, para tai laga submission te jawab dikena Delhi HC ke koishe ki tai ke bail diya toh tai toh innocent nohoi.
Raju para koishe ki Kalita para speech khan dishe etu para jaka te chamela khan olaishe aro etu unlawful assembly te thakishe.
Aro bi khobor paishe ki Devangana Kalita ke charta cases te northeast delhi febuary te huwa communal riots te thakishe.
Tai ke stringent Unlawful Activities (Prevention) Act te charge kurishe etu bi tai laga role conspiracy kura nimet thakishe dusra manu khan logote .
Delhi Police para aro bi koishe riots toh anti-CAA protesters khan para bhabona kurishe kun khan raasta bondh kurikena manu khan ke incite kuribole nimete speeches khan dishe.
Etia Delhi HC para Friday te order toh reserve kurishe Pinjra Tod member Devangana Kalita laga bail application te etu te etu sal February moina northeast Delhi communal violence huwa te.
Police para Kalita aro etu group laga aro ekta member ke May moina te thurishe anti-Citizenship (Amendment) Act (CAA) protest te role thaka nimete.
Etu protest para northeast Delhi riots samay te Jafrabad te chamela olaishe.
Etu duita ke Indian Penal Code, laga section te etu te including rioting, unlawful assembly aro inflammatory speeches bithor te booked kurishe .
Add Comment