‘Devara’ film laga advance booking te kamayi kora tu US te $1 million paar hoisey

New Delhi, September 10 : Jr NTR, Saif Ali Khan aro Janhvi kapoor laga film ‘Devara: Part 1’ laga advance bookings tu juwa hapta North America te khulisey. Etu film September 27 te release hobole ek din ageyte dikhabole nimitey USA te, booking khulidisey. Etu film laga team para kuwa hisap te,etya tak  etu advance booking para kamayi kora tu $ 1 million paar hoisey.  Etu film laga official X(poila te Twitter) account te, taikhan para announce kurisey ki North-America te etu film laga pre-sales(film release hobole ageyte sabole laga ticket laga bikri) tu $1 million cross kurisey. Etu film laga premiere(film release hobole ageyte  advance dikha) tu September 26 te hobole asey. Etu film laga trailer tu Tuesday din te etu film laga cast aro crew para Mumbai te launch kurisiley. Devara: Part 1 te Jr NTR ke main role play kora dikhibole asey, Janhvi tu Thangam laga role kuribole asey aro Saif tu Bhaira laga role kuribole asey. Etu film te Prakash Raj. Srikanth, Shine Tom Chacko aro Narain bi thakibole asey. First te etu film tu khali ekta part thaka laga film hobo koikina announce kurisiley hoilebi picheyte etu film ke duita his ate bhag kuridisey.  Jr NTR laga bisi dangor success huwa film RRR picheyte tailaga first film hobole asey aro Telugu te Janhvi laga first film hobole asey.