New Delhi, September 26 : Koratala Siva laga film ‘Devara: Part 1’ kuntu te Jr NTR, Saif Ali Khan aro Janhvi Kapoor asey, etu film tu September 27 te release hobole asey. Etu film laga booking tu etu hapta khulisey aro etya taak etu film release hobole thaka din nimitey advance booking te Rs 60 crore opor kamaisey. Report hispa te, etu film tu India te blocked seat logotey Rs 42.86 crore kamaisey. Telugu 2D ekla nimitey 10 lakh opor ticket bikri kurisey aro Hindi 2D te 40,000 ticket bikri kurisey. Etu film para sobsey bisi poisa tu etya tak Andhra Pradesh aro Telangana te kamaisey. Andhra Pradesh te Rs 16.86 crore aro Telangana te Rs 17.2 crore. US te toh, etu film laga distributor Prathyangira Cinemas para X(poila te Twitter) para announce kurisey ki etu tatey etu film laga collection tu $2.5 million paar hoisey. Hamsini Entertainmnet, kun para bi US te etu film ke distribute kuri asey etu para koisey ki khali US premiere ekla nimitey US te 75,000 opor ticket bikri hoisey.
Devara Part 1 advance booking te, India te, Rs 60 crore opor kamaisey
Add Comment